*कलेक्टर ह नगर पंचायत क्षेत्र पत्थलगांव म पुष्प वाटिका, बस स्टैंड, धान खरीदी केंद्र, सूता तालाब, छठ घाट आदि के निरीक्षण करिन, स्वच्छता, सौंदर्यीकरण कार्य, लाइटिंग व्यवस्था, गुणवत्ता के संग अनुमोदित बुता करे के निर्देश दे गिस।…*
जशपुरनगर। कलेक्टर श्री रोहित व्यास हर आईज नगर पंचायत पत्थलगांव के निरीक्षण म पहुंचे अउ नगर के साफ-सफाई, सुघार काम, लाइटिंग व्यवस्था, सार्वजनिक प्याऊ, शौचालय के सफाई अउ मंजूर विकास काम के समय सीमा म गुणवत्ता ले पूरा करे के निर्देश दे हे।
शहर म बने पुष्प वाटिका के निरीक्षण करत कलेक्टर श्री व्यास, उहां के सुघार काम जल्दी पूरा करे अउ वाटिका के परिसर बनवाय के काम म तेजी लाने के निर्देश दे हे। संगे-संगे उहां बच्चा मन के खेले के सुविधा, कारपेट घास लगाये, दीवार म कलाकृति के पेंटिंग करे के भी निर्देश दे हे। बस स्टैंड के निरीक्षण करत कलेक्टर श्री व्यास यात्रियन के सुरक्षा अउ सुविधा बढ़ाय के निर्देश दिये, अउ सुलभ शौचालय के सफाई हमेशा बनाए रखे बर कहे हे। व्यापारिक कॉम्प्लेक्स के निर्माण म सुधार करे के भी सलाह दीन। बस स्टैंड के नजदीक इंदिरा गांधी चौक म यात्रियन अउ बस चालक मन बर सुविधा खातिर रिफ्लेक्टर, सोलर लिंकर अउ हाई मास्ट सोलर लाइट लगवाय के निर्देश दे हे।
धान खरीदी केंद्र के निरीक्षण करत कलेक्टर ने समिति प्रबंधक ले धान खरीदी कर जानकारी लेहे ,अउ खरीदी केंद्र म किसानों मन बर सभी सुविधा शासन के नियम के अनुसार मिले, उकर पालन करें के आदेश दे हे । सूता तालाब के निरीक्षण करत कलेक्टर हर उहां सौंदर्यीकरण के तहत पाथवे, बेंच अउ लाइटिंग व्यवस्था करने के निर्देश दे हे। साथ ही तालाब के बगल म बने मिनी गार्डन के आकर्षक अउ गुणवत्ता से बनवाय के भी निर्देश जारी करे हे। उही तरह ग्राम पंचायत पालीडीह म पूरण तालाब, छठ घाट म पौधा रोपण अउ साफ-सफाई बनाए रखे के निर्देश दे हे।ठाकुर शोभा सिंह शासकीय महाविद्यालय के निरीक्षण म कलेक्टर ने शिक्षण कार्य, शिक्षकों अउ छात्रों के संख्या अउ जनभागीदारी समिति के बारे म जानकारी ले हे।ये समय म पत्थलगांव एसडीएम आकांक्षा त्रिपाठी, एसडीओपी श्री धुर्वेश जायसवाल, लोक निर्माण विभाग के कार्यपालन अभियंता मोचन कश्यप, तहसीलदार श्री प्रांजल मिश्रा, नगर पंचायत सीएमओ जावेद खान भी मौजूद रहीन।