- *ब्रेकिंग जशपुर: शराब पी के गाड़ी चलाय मन के अब खैर नइहे, अब अपन गाड़ी के छुड़ाए बर न्यायालय जाना पढ़ी, पुलिस अधीक्षक शशिमोहन सिंह के निर्देश मा ब्रीथ एनलाईजर से होवत हे वाहन चालक मन कर चेकिंग…..*
जशपुरनगर।अब शराब पी के गाड़ी चलाय मन के खिलाफ मा कड़ी कार्रवाई शुरू हो गे हे। पुलिस हर ब्रीथ एनलाईजर मा चालक मन के जांच करत हे। पुलिस चेकिंग मा 62 प्रकरण दर्ज करे गे हे।जानकारी मिले हे कि 9 नवंबर 2024 के दिन पुलिस अधीक्षक श्री शशि मोहन सिंह अउ अतिरिक्त पुलिस अधीक्षक श्री अनिल सोनी के निर्देशन मं जिले के थाना अउ चौकी क्षेत्र मं नाकाबंदी कर के बड़ा वाहन चेकिंग अभियान चलाए गे।जेन मं शराब पी के गाड़ी चलाय मन के ब्रीथ एनलाईजर ले चेक करे गे अउ तेज गति मं अउ लापरवाही से गाड़ी चलाय मन के खिलाफ मोटर व्हीकल एक्ट के तहत कार्रवाई करे गे हे।
थाना तपकरा द्वारा 9 नवंबर 2024 के दिन ग्राम सिंगीबहार के पास वाहन चेकिंग के दौरान वाहन क्रमांक JH 01 EP 6356 को दिपेश मिंज (उम्र 24 साल, निवासी करडेगा) शराब के नशे मं तेज अउ लापरवाही से चलावत पाये गे। ओकर वाहन के जब्त करके धारा 185 मोटर व्हीकल एक्ट के तहत कार्रवाई कर के न्यायालय मं पेश करे जावत हे। जिले मा कई जगह मा नाबालिग वाहन चालक, माडिफाइड सायलेंसर वाले वाहन, तेज गति से वाहन चलाय वाले चालकों के खिलाफ शहर अउ क्षेत्र के विभिन्न चौक-चौराहों पर रोक कर वाहन जब्त करके चालानी कार्रवाई करे गे। नाबालिग चालक मन के परिवार के लोगन ला मौके मं बुला के न्यायालयीन प्रक्रिया अउ यातायात नियमों के बारे मं समझाया गे।
समन शुल्क वसूल करे गे:
सिटी कोतवाली जशपुर: 08 मामले में 2400 रुपये
थाना कुनकुरी: 09 मामले में 5800 रुपये
थाना कांसाबेल: 12 मामले में 6900 रुपये
थाना दुलदुला: 03 मामले में 900 रुपये
थाना बगीचा: 03 मामले में 900 रुपये
चौकी पण्डरापाठ: 02 मामले में 600 रुपये
थाना तपकरा: 03 मामले में 1300 रुपये
चौकी उपरकछार: 07 मामले में 2100 रुपये
चौकी दोकड़ा: 04 मामले में 1400 रुपये
थाना फरसाबहार: 05 मामले में 1500 रुपये
थाना बागबहार: 03 मामले में 900 रुपये
थाना तुमला: 03 मामले में 900 रुपये
पुलिस द्वारा समझाईश:
पुलिस द्वारा चालक मन ला समझाइश देत कहींन हे कि नाबालिग मन ला वाहन चलाय के नइ देवव, हमेशा यातायात नियमों के पालन कर, दोपहिया वाहन चलावत समे तीन सवारी के बैठ के गाड़ी मत चलाव, वाहन चलावत समे मोबाइल फोन के इस्तेमाल मत कर, अउ शराब पी के वाहन मत चलाव। नाबालिग चालक के खिलाफ चालानी कार्रवाई के बारे मं समझाइश देते हुए उनका परिवार के लोगन ला न्यायालयीन प्रक्रिया के बारे मं बताया गे।
पुलिस अधीक्षक जशपुर द्वारा करे जात हे अपील
पुलिस अधीक्षक श्री शशि मोहन सिंह हर अपील करे हे की आप मन के जीवन के मूल्य आप मन के परिवार अउ देश बर अनमोल हे। कृपया शराब पी के वाहन चलाके ये सबके खतरे में मत डालव। यातायात नियमों के पालन कर के अपन अउ दूसर के सुरक्षा सुनिश्चित करव।”